من صميـــمـ الجرآآآآح تـولــــد الافرآآآآح

هذه المدونة خاصه بى /يحيي العطيفي أعرف أن كلماتي قد تكون ضعيفة ومكسورة لكن لا يعرف الإحساس إلا صاحب الإحساس نفسه اتمنا أن تجد كلماتي القبول عند الجميع أو عند البعض اشكر من شرفني وزار مدونتي وهذه المدونه فى منزلة طفلتى الصغيره ارجوا ان ما بها يسعد الاصدقاء تنوية (( كل ما هوا موجود من كلمات فهى خاصة بــــــ الكاتب ( يحيي) فخاف الله

الأحد، 31 مارس 2024

بقالي سنين

بقالي سنين اه بتهنا

وعايش والله اه في جنه

لكني طلعت ايوه عبيط

نسيت نفسي ولبست في حيط

وادي اخرتها صبحت بقول

يا ريتني الدنيا ايوه ما جيت

صحيح صعب الوجع واصعب التكرار

ومين في الحب ما طلعش حمار

وادي اخرتها منعوني اني اختار

بقيت نفسي تقول ليا اني خانت سد

وان ليا وقت محدد وربي بجد

وعيب ان ايدي علي الاسياد كدا تتمد

فكروني اني بستنا اه الحسنات

ودا مرفوض

انا عمري ما لبسني حد قيود

انا لحالي

انا لحالي

وحاسب حسبتي ومالي

وادي اخرتها في احوالي

ما فيش بحر بدون اسماك

وكل حاجه فيا اه عشقاك

لكن فعلك دا فعل هلاك

ودي اخرتها كات وياك

مشيت سكتي اه شمال

وكنت راضي ب اي مجال

وفات الوقت يوم وراء يوم

واخرتها فارق العيون النوم

واصبحت في فرشتي ما بقوم

وفضلت اكملها انا اه صوم

انا طماع

بصبر صبري ب الكلمات

واعود نفسي ان قلبي اه مات

وادي اخرتها بشوفها في الصلوات

يا عم الدنيا دنيتها

وعيبي جيت في سكتها

وادي يا ناس حكايتها

حكاية وليها 100 مضمون

ملخصها اكون فـــ اكون

نصيحة بيع اي حد اه باع

وارمي اي شى خداع

وادي اخرتها بتقول عليا بتاع

ورغم اني الكريم

قالوا اني انا طماع

انا طماع علشان رميت القلب في الاهوال

وقلت لنفسي اني انا الخيال

واخرتها طلعت يا ناس بقال

صحيح

قتلني كلام في قلبي اتشال

ما انا طول عمري بشيل احمال

وادي اخرتها حظي اه مال

ومش عيبك ولا دا حرام

انا الغلطان غمضت عيني لما بنام

وشفتك كل حاجه تمام

وادي اخرتها لبستني لـــــــجام

انا عمري في يوم ما اتساق

انا الـــــــــــــــــــــــــسواق

صحيح انا عندي ضعف في مال

ومش عندي في حياتي عيال

لكن عمري عشته اه خيال

كان افضل

انا بيني وبين الفرح مليون سد

كلامي وربي ايوه بجد

وياما قدمت سبت وجمعه ايوه وحد

وادي اخرتها قطعوا حبل الود

انا الكاتب وانا المقصود

انا الماضي وصعب يعود

وادي اخرتها لبسوني في عمود

نصيب الجرح بيه موعود

وكان افضل ما تعداش اي حدود

قفلت اللعبة بس متأخر

نسيت نفسي مع الادوار

ولما الصبح اه نور

لقتهم بعتوا لي انزار

نسيت نفسي

دا متقدر كدا ومكتوب

ما فيش غالب وفي مغلوب

تعيش دنيتك لازم تكون معطوب

وانا حدفتهم بالورد وهما حدفوني بطوب

انا حسبتي كان فيها كتير غلطات

واغلب وقتي كان مع الاموات

نسيت نفسي وطرق الوهم عدا وفات

وادي اخرتها نزلت في محطة الذكريات

قالوا اسمك فـــــــ انا اه نسيت

قالوا اية جابك قلت انا حبيتك

قالوا انت صعب تفتح بيت

وادي اخرتها لما هويت

بشوف اسمي

اديني بقلب الصفحات

بشوف اسمي مع الاموات

لقتهم قالوا وقتك فات

واسمك حي لكن قلبك مات

قفلت الصفحة من همي

رجعت اعشها متغمي

ونفسي افارق دنيتي في سكوت

وبتمنا ما فيش عين تدمع لما اموت

ورب الكون حياتي ما فيها ولا مضمون

واية غير كدا اه اللون

وخلاص صبحت سواد حالك

واية بس يا دنيا اية مالك

ما فيش ولا طريق فيكي سالك