حاسس بيك

 

هتعدي

وفي قلبي مكانك محفور

لو مهما الدنيا بينا تدور

اسمعني مش عارف اكتب

ولا ارسم لك اي كلام

انا حاسس ان انا من غيرك

عايش مش طايل احلام

 

بلاش تدايق كملها

وفي حضني اخرها

حاسس بيك  ونفسي فيك

فقرب الله يخليك

 

مع بعض هنكمل بعض

 

شعور

 

الشعور بـــ الشعر خايب

زي شخص اتعزم وملوش نايب

زي قلب للأسف  من البعد دايب

زي قلب وللأسف طلع انه خايب

سمعت رنة

 

وبعد طول الانتظار ب الساعات

وبعد ما كان نص العمر فات

سمعت رنة حستها رجعت اللي مات

 

وفى ثواني

في خيالي بنت مباني

رسم بحور ايوه ومواني

وقلت انه الفرح جاني

بس لقتها للأسف مش طلباني

 

يا قلبي عيب واتلكم وبلاش غرور

لكل قلب في الحياة مكان ودور

وانا شايف ان مكانك انك تعيش محظور

 

 

 

انا عايش

 

انا في خيرك

 ومن خيرك

ومين لي في الدنيا دي غيرك

 

انا عايش ب افضالك

لبست اكلت شربت من مالك

ليوم الدين رقبتي حنيالك

 

تجود وتجود

وافضالك حنت لي العود

وافضالك دي ما لها حدود

وبفضلك  انا عايش كدا وموجود

 

فرحت بكوني وحداني

برغم ان الجراح تملي صيباني

وكل هموم الدنيا قصداني

وكل البشر عليك وربي حسداني

كدا كفاية   لا  هقول تـــــــــــأني

 

 

وبدعي واقـــــــــــــــــــول

يأرب الرحلة اه ما تطول

بعد الغياب

 

مش نصيبك

اني سهمي في يوم يصيبك

او اكون قدرك نصيبك

بس انا والله حبيبك

مش نصيبك

بنلتقي بعد الغياب

بعد ما طال العذاب

بعد ما القلب شاب

بعد ما ارضي صبحت خراب

شد نفسك  انت الجبل

واتعدل وبلاش هبل

سمعت صوتها

غصب عني

بدأت اغني

من سكات

سمعت صوتها

قلت جايز

قالوا عاجز

قلت عاجز

بس اشوفها لو ساعات

 

لما بسمع صوتها اتوب

اصل صوتها دواء القلوب

ومين في الدنيا مش معطوب

 

لما احن انا للأغاني

او اقول بطلت اعاني

هي بس يدوب ثواني

والكلام يهرب هروب

 

شمسي طال الانتظار

والحنين شق الجدار

والالم دا ليل نهار

نفسي مره  اسمع كلمة اختيار

 

 

 

بقالي سنين

 

ومين في الدنيا دي قدك

وصعب الاقي حسن علي قدك

وما اجمل الضحكة  علي خدك

 

 

بقالي سنين  وانا معاكي

دا الكل نقل وانتي ملاكي

ولقيت نفسي وانا وياكي

 

وبكتب ليكي وبكرر

دا من دونك الحل بيتمرر

خلاص هكمل معاكي انا مقرر

 

قطر الفرح

 

طال اللقاء

ورسمت صورتك في الهواء

ممكن يكون دا  من الغباء

 

لا دا  من كتر الجفاء

 

كنت بحلم ب الساعات

كنت عايش ذكريات

كنت ببكي من سكات

بس اعمل ايه  شكل قطر الفرح فات

من ساعات

                   من ساعات

 

من ساعات

كنت بحكي لك حاجات

كنت  بحكي علي اللي فات

واشكي ليك الذكريات

وانت سامع  اه وسكات

كل دا كان من ساعات

 

كنت داين وبقيت مدان

كنت بعطف ب الحنان

اصحبت نفسي  احس ب امان

 

لما تجمعنا  الدقايق

بفرح فرح فايق

ب اجري احضن اه وبوس

والمسك وانسا الكبوس

 

حضن ليك هوا دا جنتي

خليك اه فاهم  انك تخصني وتهمني

لو تعرفي

 

ابتدأت انا في الكلام

قلت ليها اهلا ــــــــــ ؟

وهي ما ردت سلام

قلت عادي حقها

مين في الحياه دا في حسنها

وانا  هكون ايه جنبها

 

لو تعرفي  وتفهمي

من نظره واحده تسلمي

وبدون كلام  تتكلمي

 

لو تعرفي الدنيا ايه طعمها

وشكل الايام من بعدها

كانت هتجري في حضني واسكن حضنها

 

بس انا مشدو

خلوني بحري وللأسف ممدود

اصبحت شط وما ليش اي حدود

بس عيونك  كبلتني بــ احلا قيود

ولمستك من العدم خلوني انا موجود

وبعد كل دا بتفكري

لا نصيحة قرري

وياريت تجاوبي وفكري

وبـــــ اختصار

انتي قلبي وانتي روحي

انتي بلسم لــــجروحي

 

برتاح معاها

 

من دون البشر حبتها

وفي قلبي وعيوني خبتها

واسعد حاجه عندي

لما تبان ضحكتها

 

كلامها معايا دواء

والبعد عني دا داء

برتاح معاها بعد الشعور بعناء

 

حسيت معاها بحياتي

هي الحنين الاتي

هي الامل  هي الامان

هي اللي بلاقي في حضنها الحنان

 

نفسي في لقاء  جبار

يجمع ما بين الماء والنار

ولحد هنا هنقفل الستار

انت قلبي

 

 

المرار بيكون يا قلبي في الانتظار

اني افضل ليكي عادي

اني اكون شخص احادي

اني اطبطب اه ودادي

اني اكون بيكي راضي

هوا دا الامل الجميل

اني  اقسم اللي فات

واني اعيش مع ذكريات

واني ابكي ب الساعات

هوا انا عندي سؤال

شكل طعم الفرح مات

 

لما شفتك بان قمر

وانتي قلبي  والدليل

اني هفضل ليكي عاشق

ما هما كان المستحيل

 

اني اعيش من غيره نار

لو بنتلي الف دار

انت قلبي  وقلبي فارض عليك حصار

 

بكل ما فيك

 

انا نسيتك

وعمري في يوم ما حبيتك

ولا في قلبي  خبيتك

انا نسيتك

وقلت هعيش واكملها

وقلت اشوف كدا اخرها

 

انا نسيتك

وكيف القلب يوم ينساك

يا ساكن قلبي اه يا ملاك

 

بحب حب فاق الحد

وفي البعد دمعي جرح لي الخد

هقولها ليك وربي بجد

انــــــــــــا  بهواك

بكل ما فيك

انا بهواك

ونفسي بجد اه في لقاك

بقول بعلو الصوت انا نستها

علشان عيون البشر في القلب خبتها

وبكسب كل الدنيا لما تبان ضحكتها

 

وبتقول اني انا   نستها